Boodskap, ds Garrie, 03 Apr 2020

sonsopkoms

Lees Matteus 14: 22-33 Ons is nou midde-in die Corona pandemie.  Dit is ‘n tyd van beproewing.  Dit is onvermydelik dat ons begin wonder: Wat nou vorentoe?  Wat gaan die uiteindelike gevolge wees?  Hoe lank gaan die grendeltyd voortduur?  Gaan die virus se skrikbewind dan verdwyn?  Gaan die wêreld anders lyk?  Gaan daar uiteindelik baie sterftes wees?  Veral as die virus die slums en ander informele nedersettings van die wêreld ingedring het?  Watter effek gaan die pandemie uiteindelik op die wêreldekonomie en my sak hê?…

Boodskap van bemoediging (ds Garrie)

Lees Ps 91 Ons beleef tans ‘n wêreldaanslag deur die Covid 19 coronavirus.  Ons word bedreig deur ‘n vyand wat ons nie eens kan sien nie.  Ons kan dit nie met konvensionele wapens beveg nie.  Dit maak bang, sommer baie bang.  Gaan dit my ook aanval?  Wanneer gaan dit my aanval?  Watter gevolge gaan dit vir my en my naastes inhou? Die digter van Ps 91 roep gelowiges op om nie baie bang te word te midde van al die bedreigings nie.  Hy noem enkele…

Eredienste tydens inperkingstydperk

Die kerkraad maak bekend dat, indien die situasie nie sou verander nie, die eerste diens weer sal plaasvind op 19 April 2020. Hier volg ‘n skakel van ds Herman Coetzee van Amanzimtoti waar daar na direkte uitsendings van dienste op facebook gekyk kan word:  https://www.facebook.com/groups/1095106730830885/ Kliek net op die skakel en sluit aan by die groep. Baie sterkte en mag God ons vashou en laat ons ook in hierdie tyd altyd Sy naam verheerlik.

Sustersaamtrek, KZN, 07 Mrt 2020 aangebied deur GK Suidkus, Port Shepstone

120 Susters vanoor die hele KZN – Vryheid tot Empangeni, Newcastle tot Amanzimtoti en almal tussenin – wat ‘n voorreg was dit nie om almal hier te ontvang nie! Die weer het saamgespeel met ‘n heerlike sonskyn dag en die lekker kuiers het almal se harte sommer warm gemaak! Die pragtige blomme in die voorportaal, kerk en saal het die tonge aan die praat gehad! Die uitstallers het ons ons laat verkyk aan mooi handgemaakte items en silwer juweliersware en diep laat grawe in ons beursies!…

Emeritering, ds Garrie Schutte

Ds Garrie het op 02 Febr sy afskeidspreek in ons gemeente gelewe, na bietjie meer as 20 jaar in die bediening. Hy was leraar hier vanaf Augustus 2009. Vir die huidige gaan hy in Port Shepstone bly, aangesien hy nog betrokke is by die opleiding van teologiese studente deur Mukhanyo Teologiese Kollege. Ons bid hom en Liana alle seën toe op hierdie nuwe lewensfase. Mag God ook die opleidingswerk ryklik seën.

Eredienstye gedurende Desember-vakansie

GK Suidkus nooi alle vakansiegangers hartlik uit na ons eredienste, elke Sondag om 09:00.  Die kersdiens sal ook om 09:00 plaasvind.  Ons adres is:  H/v Colley en Bazley strate, Port Shepstone.  Die Versoeningsdagdiens op 16 Des vind om 09:00 plaas by NG Kerk Port Shepstone, Kerkstraat, Port Shepstone.

Senior ete, 23 Okt 2019

Senior ete, 23 Okt 2019. Wat ‘n perfekte dag was dit nie – tot die weer het saamgespeel. Ons tema was lente en die geleentheid was beslis vrolik! Baie dankie aan elkeen wat dit bygewoon het, aan almal wat gehelp het om die wat nie meer so beweeglik is nie, daar te kry en veral aan die susters wat reggestaan het vir die aksie. Julle is sterre! Hier is so ‘n kykie na al die lekkerte!

Hemelvaartdag, 30 Mei 2019

Ons dink vandag aan hemelvaart. Dit is ‘n feesdag wat baie maklik by ons kan verbygaan. Tog is dit ‘n belangrike gebeurtenis. Jesus is nie meer liggaamlik met ons nie. Hy het die hemelse heiligdom ingegaan om nou ter wille van ons voor God te verskyn (Heb 9: 24). Hy dra ons belange daar op die hart en tree vir ons in by die Vader. Jesus tree met hemelvaart die hemelse heiligdom ook liggaamlik in om ‘n ewige verlossing tot stand te bring (Heb 9:…

Basaar, Mei 2019

Wat ‘n heerlike kuierdag was die basaar nie! Baie dankie aan elkeen wat op een of ander manier deelgeneem het! Alle lof en dank aan God wat ons so ryklik seën!