Susterskuier, 25 Februarie 2017

Ons eerste sustersbyeenkoms vir die jaar was ‘n heerlike geselligheid!  Herman Swart het meer kom vertel oor sendingwerk en ‘n nuwe perspektief gebring vir almal wat daar was.  Daarna is daar heerlik gekuier rondom ‘n heerlike ligte ete.  Baie dankie aan Blok 1 se bloksuster (Judy Pretorius) en susters vir hierdie spesiale geleentheid!

Nuwejaarsboodskap 2017

2017 is hier! ‘n Nuwe jaar met nuwe uitdagings.  Uitdagings in die gemeente, in ons geloofslewe, in die gesin en samelewing. Waar sal ons tog die krag vir dit alles kry?  Die Here gee dit vir sy kinders: “Hy gee krag aan die wat moeg is,,,,,,die wat hulle hoop op die Here stel, sal nuwe krag terugkry” (Jesaja 40: 29 e.v., NLV). Ons het ‘n onuitputlike Kragbron beskikbaar.  God het sy Gees gegee sodat ons elke dag daardie krag in ons bekikbaar het. Ons kan…

Inligting vir vakansiegangers, Des 2016

Ons verwelkom alle vakansiegangers aan die Suidkus.  Ons hoop julle het ‘n heerlike tydjie hier in ons geweste en dat julle jul vakansie sal geniet.  Ons herinner net aan ons eredienstye: elke Sondag om 09:00 en ook Kersdag om 09:00. Die diens op Versoeningsdag vind plaas by die NG Kerk Port Shepstone om 09:00.   Kom kuier gerus ook vir ons by ons pannekoekstalletjie (langs die poskantoor) tydens Margate Mardigrass, 14, 21 en 28 Desember en 04 Januarie.  Namens ons gemeente wens ons julle ook ‘n…

Basaar, 29 Oktober 2016!!!!!

Ons hou weer heerlik basaar op Saterdag, 29 Oktober 2016 vanaf 09:00 tot 14:00.  Daar gaan heerlike tuisgebak wees soos koeksisters, melkterte, grootkoeke, beskuit, soutighede, ens.  Op soek na vroeë Kersgeskenke? Kom maak dan beslis ‘n draai by die handwerk-, boeke en plantestalletjies.  Vir daardie ekstra spesiale winskoop is daar die “Bie en koop” stalletjie.  Ons gaan ‘n heerlike plaasontbyt bedien (3 verskillende opsies) – mieliepap en skaaplewer, mieliepap en maalvleis of spek, eiers en maalvleis.  Al die ontbyte word bedien met uieringe, tamatie en…

Nuwe studente vir BTh via Docenda

Docenda beplan om volgende jaar met ‘n tweede groep teologiese studente te begin in ons gemeente en ook om ‘n bykomende fasiliteerder aan te stel.   Die minimumvereistes is Matrikulasievrystelling met ʼn APS-telling van 24 vir matrikulante en as die aansoeker ouer as 23 jaar is, kan voorwaardelike vrystelling gegee word   totdat die persoon die eerste jaar slaag en aansoekers ouer as 45 jaar verkry volle vrystelling.  Die gewone BTh “Oop” program kan deur enigeen (uit enige denominasie) geneem  word.  Dit is ʼn 3 jaar graadkursus wat oor 4 jaar  versprei word vir deeltydse Docenda- studente. Beurse word deur Docenda beskikbaar gestel aan diegene wat daarvoor kwalifiseer.  Indien u belangstel, kontak asb vir ds Garrie, sel 084 581 3999 of e-pos hgschutte@gmail.com so gou moontlik.  Sluitingsdatum vir aansoeke is 30 September.

Sustersbyeenkoms, 20 Augustus 2016

Wat ‘n heerlike middag was dit nie! Baie dankie aan Judy en die susters van blok 1 wat dit gereël het.  Afgesien van die gewone vergadering en lekker kuier en eet, wou ons ook meer hoor van moontlike omgeeprojekte waarby ons susters betrokke kan raak. Tharina Wessels van Palm Haven Ouetehuis in Umzumbe het ons meer kom vertel van hul werksaamhede.  Hulle versorg tans 21 bejaardes, waarvan heelwat van hulle Alzheimer lyers is. Ons wil graag veral fokus op die inwoners wat nie so gereeld besoeke ontvang…

Gelukwense aan studente

Baie geluk aan ons 3 Docenda studente – Sifiso, Kutazwa en Klaas – met hul uitslae van die eerste semester van hul BTh – graad. Hulle moes somtyds onder baie moeilike omstandighede skouer aan die wiel sit en veral die Grieks en Hebreeus het baie slapelose nagte veroorsaak! Hulle het egter vasgebyt en die vrugte gepluk! Ons is trots op hulle!

Vakansietyd inligting vir besoekers

Ons verwelkom weer alle besoekers aan die Suidkus en wens julle ‘n heerlike rustydjie toe.  Vir julle gerief die volgende inligting: Eredienste elke Sondag om 09:00 Pannekoekverkope by Margate Mardigrass, 29 Junie en 06 en 13 Julie. Kyk uit vir ons pannekoekwaentjie langs die poskantoor. Kontak ons gerus vir verdere inligting.