Nuwe studente vir BTh via Docenda

Docenda beplan om volgende jaar met ‘n tweede groep teologiese studente te begin in ons gemeente en ook om ‘n bykomende fasiliteerder aan te stel.   Die minimumvereistes is Matrikulasievrystelling met ʼn APS-telling van 24 vir matrikulante en as die aansoeker ouer as 23 jaar is, kan voorwaardelike vrystelling gegee word   totdat die persoon die eerste jaar slaag en aansoekers ouer as 45 jaar verkry volle vrystelling.  Die gewone BTh “Oop” program kan deur enigeen (uit enige denominasie) geneem  word.  Dit is ʼn 3 jaar graadkursus wat oor 4 jaar  versprei word vir deeltydse Docenda- studente. Beurse word deur Docenda beskikbaar gestel aan diegene wat daarvoor kwalifiseer.  Indien u belangstel, kontak asb vir ds Garrie, sel 084 581 3999 of e-pos hgschutte@gmail.com so gou moontlik.  Sluitingsdatum vir aansoeke is 30 September.

Sustersbyeenkoms, 20 Augustus 2016

Wat ‘n heerlike middag was dit nie! Baie dankie aan Judy en die susters van blok 1 wat dit gereël het.  Afgesien van die gewone vergadering en lekker kuier en eet, wou ons ook meer hoor van moontlike omgeeprojekte waarby ons susters betrokke kan raak. Tharina Wessels van Palm Haven Ouetehuis in Umzumbe het ons meer kom vertel van hul werksaamhede.  Hulle versorg tans 21 bejaardes, waarvan heelwat van hulle Alzheimer lyers is. Ons wil graag veral fokus op die inwoners wat nie so gereeld besoeke ontvang…

Gelukwense aan studente

Baie geluk aan ons 3 Docenda studente – Sifiso, Kutazwa en Klaas – met hul uitslae van die eerste semester van hul BTh – graad. Hulle moes somtyds onder baie moeilike omstandighede skouer aan die wiel sit en veral die Grieks en Hebreeus het baie slapelose nagte veroorsaak! Hulle het egter vasgebyt en die vrugte gepluk! Ons is trots op hulle!

Vakansietyd inligting vir besoekers

Ons verwelkom weer alle besoekers aan die Suidkus en wens julle ‘n heerlike rustydjie toe.  Vir julle gerief die volgende inligting: Eredienste elke Sondag om 09:00 Pannekoekverkope by Margate Mardigrass, 29 Junie en 06 en 13 Julie. Kyk uit vir ons pannekoekwaentjie langs die poskantoor. Kontak ons gerus vir verdere inligting.

Karnaval, 04 Junie 2016

Lus vir daardie spesiale tuisgebakte stukkie beskuit of ‘n vingerleklekker worsbroodjie? Wat van basaarpoeding, pannekoek, vetkoek met maalvleis of ‘n heerlike stukkie koek? Op soek na ‘n winskopie boek of plant? Of daardie skat by die wit olifanttafel wat net vir jou gewag het! En moenie die pragtige handwerk vergeet nie!  Nou ja, dan is ons basaar die 4de Junie net die ding.  Moet dit nie misloop nie! Ons skop reeds 8:00 af met ‘n heerlike boere-ontbyt: maalvleis, spek, eiers, tuisgebakte brood, ens.  Vir meer inligting…

Pinkster Sondag

Hierdie Sondag, 15 Mei 2016 herdenk ons weer die belangrike gebeurtenis toe God sy Heilige Gees gestuur het om in elkeen van sy kinders te kom woon. Handelinge 2: 1 – 4:  Toe die dag van die pinksterfees aanbreek, was hulle almal op een plek bymekaar. Skielik was daar ‘n geluid uit die hemel soos van ‘n geweldige stormwind, en dit het die hele vertrek gevul waar hulle gesit het. Hulle het iets soos vuur gesien wat in tonge verdeel en op elkeen van hulle gekom het. Almal is met die Heilige Gees vervul en hulle het in ander tale begin praat soos die Heilige Gees dit aan hulle gegee het om onder sy leiding te doen. Heidelbergse Kategismus, Sondag 20  Vraag 53: Wat glo jy van die Heilige Gees? Antwoord: Ten eerste is Hy saam met die Vader en die Seun ware en ewige God. Ten tweede is Hy ook aan my gegee sodat Hy my deur ‘n ware geloof deel laat kry aan Christus en al sy weldade,  my troos en ewig by my bly.