Informele bediening, 15 Maart 2015 om 10:30

Tema: Sien jy die wolf in skaapsklere raak? Het iemand jou al bedrieg? Met woorde, deur iets anders voor te stel as wat dit werklik is, jou in ’n vangnet in te lei terwyl jy onder die indruk is jy kon daardie persoon vertrou? Word ons op allerlei terreine in die samelewing vadag nog steeds mislei? In die Bybel word ons baie keer gewaarsku teen bedrieërs. Paulus waarsku die gelowiges in die gemeente van Efese: “Maar bose mense en indringers sal floreer. Hulle sal aanhou…

Gelukwense

Baie geluk aan Janrick Labuschagne en sy trotse ouers, Jan en Wilna, met sy belydenisaflegging op 01 Maart 2015. Mag God jou laat groei en toeneem in die geloof en mag jy elke dag jou lewe bou op die vaste fondament, Jesus Christus.

Informele bediening, 08 Februarie 2015 om 10:30

Tema: Wat maak ons met die Naam van die Here? Almal het nie dieselfde respek vir die Here nie. Ons kom daagliks in aanraking met mense, direk of in beeld, wat die naam van die Here misbruik. In die derde gebod verbied die Here ons om sommer sy Naam so te gebruik asof dit nie belangrik en heilig is nie. Wat staan ons te doen? Ons kan tog nie maar dit sommer net so toelaat nie. Verder, hoe wil die Here hê dat ons sy…

Seënwense vir 2015 akademiese jaar

Ons wil graag al die skoliere, studente, ouers en onderwysers ‘n baie geseënde 2015 toewens. Mag God julle toerus met die nodige toewyding, wysheid, liefde en geduld. Mag julle elke dag versterk word deur Sy teenwoordigheid en lewe tot God se eer.

Inligting vir vakansiegangers

Ons verwelkom graag al die besoekers aan die Suidkus en wens hulle ‘n heerlike rustydjie toe. Net om dinge bietjie makliker te maak, hiermee inligting oor ons aktiwiteite gedurende die vakansie. Eredienste elke Sondag om 09:00. 16 Desember 2014 – Erediens om 09:00 by Nederduitsch Hervormde Kerk, Scottstraat 5, Port Shepstone. 25 Desember 2014 – Erediens om 09:00 in ons kerkgebou. 17, 23 en 30 Desember – Kom loer gerus in by ons pannekoekstalletjie by Margate Mardigrass, reg langs die poskantoor.

Kerssanggeleentheid, 07 Desember 2014 vanaf 11:00

Die koor kliphard aan die oefen vir Sondag se sanggeleentheid! Dit begin om 11:00 en daarna gaan ons lekker kuier om ‘n koppie tee en ‘n eetdingetjie.  Baie dankie ook aan elkeen wat ‘n kospakkie/donasie geskenk het .  So kan ons ook die gawes van God met ander deel.  Baie dankie ook aan Betsie vir al die reëlings.  Ons sien baie uit na hierdie geleentheid en nooi almal uit om dit by te woon.

Kerssanggeleentheid, 07 Desember 2014

Ons nooi almal uit om hierdie heerlike geleentheid by te woon.  Dit begin 11:00 en sluit in trompetitems, solosang deur verskillende kinders, spreekkoor, samesang deur gemeente, ens.  Ons herinner ook aan die kospakkies wat ons graag wil uitgee tydens hierdie geleentheid. Dit moet asb. die volgende bevat: 100g koffie; 500g suiker; 500g rys; 500g mieliemeel; 1 sakkie cremora; 2 pakkies jellie; 2 boksies soja; 1 pakkie koekies (enige soort); 1 blikkie baked beans.